ໂຄງການແລກປ່ຽນວັດທະນະທຳຫັດຖະກຳ 2019 ສົ່ງເສີມເຕັກນິກການແກະສະຫຼັກໄມ້
ວຽງຈັນ (ວຽງຈັນທາມສ໌/ANN) – ຄູອາຈານ ແລະ ນັກສຶກສາຈາກສູນພັດທະນາທັກສະເວດສະພົງ ແລະ ຈິດຕະກອນຈາກສູນວິຈິດຕະກຳ ແລະ ຫັດຖະກຳສາກົນ ປະເທດໄທ ໄດ້ແລກປ່ຽນຂໍ້ມູນຂ່າວສານກ່ຽວກັບເຕັກນິກການແກະສະຫຼັກໄມ້ໃນ “ໂຄງການແລກປ່ຽນວັດທະນະທຳຫັດຖະກຳ 2019”.
ໃນກອງປະຊຸມວິຊາການໄລຍະສາມວັນ ເຊິ່ງເປັນການຮ່ວມມືລະຫວ່າງສະຖາບັນລາວ ແລະ ໄທ, ໄດ້ເປີດໂອກາດໃຫ້ນັກຮຽນ ແລະ ຄູອາຈານຈາກສອງສະຖາບັນ ໄດ້ແລກປ່ຽນປະສົບການ ແລະ ຖອດຖອນບົດຮຽນທາງດ້ານສິລະປະ ແລະ ການແກະສະຫຼັກໄມ້ ໃນບັ້ນປະຊຸມດັ່ງກ່າວ ທີ່ສູນພັດທະນາ ແລະ ທົດສອບທັກສະເວດສະພົງ ນະຄອນຫຼວງວຽງຈັນ.
ສີສຸພັນ ອຳພອນພົງ
